Min Jehann

Ik wull, wi weern noch kleen, Jehann,
Do weer de Welt so grot!
Wi seten op den Steen, Jehann,
Weest noch? bi Nawers Sot.
An Heben seil de stille Maan,
Wi segen, wa he leep,
Un snacken, wa de Himmel hoch
Un wa de Sot wul deep.

Weest noch, wa still dat weer, Jehann?
Dar röhr keen Blatt an Bom.
So is dat nu ni mehr, Jehann,
As höchstens noch in Drom.
Och ne, wenn do de Scheper sung
Alleen, int wide Feld:
Ni wahr, Jehann? dat weer en Ton!
De eenzige op de Welt.

Mitünner inne Schummerntid
Denn ward mi so to Mod.
Denn löppt mi't langs den Rügg so hitt,
As domals bi den Sot.
Denn dreih ik mi so hasti um,
As weer ik nich alleen:
Doch allens, wat ik finn, Jehann,
Dat is - ik sta un ween.

(Klaus Groth)

Mein Johann

Ich wollte, wir wären noch klein, Johann,
da war die Welt so groß!
Wir saßen auf dem Stein, Johann,
Weißt Du noch? Bei Nachbars Brunnen.
Am Himmel segelte der stille Mond,
wir sahen, wo er lief,
und redeten, wie hoch der Himmel ist,
und wie der Brunnen wohl tief.

Weißt Du noch, wie still das war, Johann?
Da rührte sich kein Blatt am Baum.
So ist das jetzt nicht mehr, Johann,
höchstens noch im Traum.
Ach, wenn dann der Schäfer sang
allein im weiten Feld:
Nicht wahr, Johann? Das war ein Klang,
der einzige auf der Welt.

Mitunter, in der Dämmerung,
dann wird mir so zu Mut.
Dann läuft's mir den Rücken so heiß entlang,
wie damals bei dem Brunnen.
Denn drehe ich mich so hastig um,
als wäre ich nicht allein:
Doch alles was ich finde, Johann,
das ist - ich steh und wein.